H2 Hardanger AS er ein av Hanna Børve sine stolte sponsorar!
Hanna er ei målretta jente på 22 år frå Øystese. Som 16-åring byrja ho på Norges Toppidrettsgymnas på Geilo. No bur ho på Lillehammer, som i følgje Hanna er den beste staden å kunne utvikle seg som skiskyttar, både med tanke på fasilitetar, idrettsmiljø og den sosiale og viktige delen gjennom laget Team Fosen Yard.
I tillegg til satsinga på skiskyting tek Hanna byggingeniør-studie på deltid. Og for H2 er det sjølvsagt ekstra stas å vera sponsor for ein komande byggingeniør!
Hanna fortel at årets sesong var den siste i juniorklassen, og neste sesong vert som seniorløpar.
Til tross for nokre veker med Covid som gjorde at kroppen ikkje responderte og treninga vart redusert, så klarte Hanna likevel å verta norgesmeister på «heimebane» på Lillehammer i februar.
Me er svært imponerte over prestasjonane til Hanna, og heiar høglytt og stolt frå sidelina!
Gjengen i H2 Hardanger ynskjer lukke til med både eksamen og satsinga framover!
