Eide Fjordbruk AS, gjennom selskapet Eide Smolt AS, kjøpte i 2022 det gamle smoltanlegget i Sundal frå Sjøtroll Havbruk AS. Anlegget har konsesjon til produksjon av 2 millionar smolt per år innanfor gjeldande utsleppsløyve.

H2 Hardanger har, i samarbeid med Eide Smolt, administrert og gjennomført prosjektet med riving av det gamle anlegget og utbygging av eit nytt og moderne anlegg på tomta. Det nye anlegget vart overlevert i tråd med framdriftsplanen hausten 2024. Anlegget omfattar:

• Nytt bygg med reinseanlegg for inntaksvatn
• Ny trafo, garderobar og kontorfasilitetar
• Seks nye fiskekar
• Fôringsanlegg og oksygenanlegg
• Fiskesperre og trommelfilter for rensing av avløp

I tillegg har Eide Smolt, gjennom ein utbyggingsavtale med Vestland Fylkeskommune, utvida og forbetra avkøyrsla frå fylkesvegen i tråd med dagens vegstandard.

AS Sævareid Fiskeanlegg, ein del av Bolaks-konsernet, investerer i ei omfattande utbygging for å styrke produksjonskapasiteten og møte framtida sine krav til smoltproduksjon.

H2 Hardanger er innleigd som byggherrerepresentant og prosjektleiar, samt for å ivareta koordinering i prosjekterings- og utføringsfasen i samsvar med byggherreforskrifta.

I desember byrja Ranveig Steinsheim som prosjektleiar i H2 Hardanger. Med stadig fleire prosjekt på Voss har det vore naturleg å etablere eit kontor der. Ranveig er stort sett stasjonert på Voss, og kjem til Norheimsund nokre dagar i veka.
Ranveig har bachelor i byggingeniør frå HLV, og vidare master i Industriell økonomi- og teknologiledelse frå Uia.
Ho kjem frå stillinga som prosjektingeniør i Consto, kor ho mellom anna har hatt hovudansvar for HMS og KS i store prosjekt som Baneheia Park.

Det er positivt å få fleire kvinnlege tilsette med på laget, og særleg kjekt er det at Ranveig har ei brei og relevant utdanning som bidreg til å utvikla H2 framover.

H2Hardanger sender i desse dagar inn søknadar om løyve til å etablera landstraumforsyning på vegne av kundar til fleire oppdrettsanlegg på Vestlandet.

Landstraumsanlegga er planlagt framtidsretta med leveranse via høgspenningskablar på 22KV og skal no forsyne flåtane med ca 250KW. Høgspenningsanlegga kan enkelt justerast for å auka effekten som skal leverast i takt med eventuelle utvidingar.

H2 Hardanger har gjennomført innleiande prosjekt for å definere behov og er no i gang med avklaringar for å kunne presentere investeringsbeslutning til kundane for gjennomføring.

H2 Haradnger styrer prosjekta med å gjennomføra botnundersøkingar, vurdert traseval, be om innspel frå myndigheiter, avklare grunneigarforhold og inngå grunneigaravtalar.
Vidare skal det no søkast til Havnevesen, Maritime museum, Kommune, Kystverk, nettselskap og NVE med sine respektive søknadar.  Samt at prosjektet skal prisast av aktuelle leverandørar, basert på utarbeidd beskrivelse av leveransen.

H2 Hardanger har no registrert installatør, og med det også ein fagleg tyngde og kompetanse bak vurderingane i prosjekta.

Det er krevjande prosjekt med svært mange aktørar og grensesnitt som må handterast i rett rekkefølgje, i tillegg til at anlegga vert teknisk utfordrande med høgspenningsforsyning til anlegg flytande på sjøen.

Bilete: 3d teikninga av botnforhold med innteikna flåte, fortøyningar og kabeltrasè. 

Me er stolte over å kunne presentera Hogne Høysæter som ny prosjektleiar i H2 Hardanger. Han byrja hjå oss i november, og er godt i gang med nye arbeidsoppgåver for både nye og gamle oppdragsgivarar.
Hogne har lang erfaring med prosjektleiing, detaljprosjektering, byggjeleiing og prosjektgjennomføring av kommunaltekniske anlegg for VA, veg, renovasjon og idrettsanlegg.
Dei siste åra har Hogne jobba som senior prosjektleiar i Cowi AS, og har tidlegare vore tilsett som avdelingsingeniør, driftssjef og teknisk sjef i Kvam herad.
H2 Hardanger har med tilsetjinga av Hogne fått ein svært erfaren og anerkjent ressurs innan fagfeltet kommunalteknikk med på laget, og me er trygge på at Hogne kan bruke erfaringane sine til gode for våre oppdragsgivarar innan både dette og andre områder.