Kvam brannstasjon
H2 Hardanger vann saman med Fuglafjell AS konkurransen om å bygge Kvam Brannstasjon på Mo i Steinsdalen for Kvam herad.
Bygget skal ha ei grunnflate på omlag 870m2 og og skal romme Kvam brann- og redningsteneste, samt sivilforsvaret.
Førebuande arbeid er i gang, og brannstasjonen skal ferdigstillast i oktober 2022. Anders Hjartnes er prosjektleiar.

Strandebarm omsorg
H2 Hardanger vann saman med Fuglafjell AS konkurransen om å bygge Strandebarm omsorg i Kvam herad. Bygget vert reist på Tangerås i nærleik av skule og idrettsanlegg.
Arkitekt er Holon Arkitekter AS. Håkon Hjartnes i H2 Hardanger AS er prosjektleiar, og Anders Hjartnes er byggeleiar.
Arbeidet starta 8.oktober 2021 og overlevering vert i januar 2023.
Strandebarm omsorg skal innehalde 26 rom, samt plass for legekontor, fysioterapeut etc.
Sentralt i bygget skal det byggast eit atrium med glas i både tak og fasade.

Utomhus er bevisst halde relativt omfattande for å ivareta trivnad, samt stimulere til fysisk aktivitet. Uteområdet vert opparbeida som eit parkanlegg med sansehage, vassrenner og gangvegar der bebuarar kan takast med på ulike lufteturar.

H2 Hardanger er stolt over få vera med å reise desse viktige bygga!

I januar byrja Isak Linga i stillinga som byggeadministrator i H2 Hardanger.
Isak er utdanna maskiningeniør og har tidlegare jobba som prosjektingeniør i oljeindustrien.
Dei siste åra har han vore assisterande driftsleiar og driftsoperatør på eit landbasert oppdrettsanlegg for produksjon av laks.
Isak er allereie godt i gang med prosjektoppfølging på Langevåg slakteri, samt teikning og planlegging av komponentar til Stadionbassenget til Stadion Laks. 

Klikk her for å lasta ned pdf-versjon av artikkelen

Øystein Norheim er nytilsett  i H2 Hardanger.
Han skal jobbe som systemintegrator i prosjektet Stadionbassenget. Oppdragsgjevar er selskapet Stadion Laks AS som igjen er eigd av Lingalaks AS og Framo AS.

Øystein har lang fartstid som maskinsjef og har i mange år jobba med drift og nybygging av seismikk skip.
-Det er spanande for H2 Hardanger å få inn ein slik ressurs, med svært ulik bakgrunn enn oss andre, seier Thomas Mælen. Me er overbevist om at Øystein sin marine kompetanse vil passe som hand i hanske til Stadionbassenget.