Øystein Norheim er nytilsett  i H2 Hardanger.
Han skal jobbe som systemintegrator i prosjektet Stadionbassenget. Oppdragsgjevar er selskapet Stadion Laks AS som igjen er eigd av Lingalaks AS og Framo AS.

Øystein har lang fartstid som maskinsjef og har i mange år jobba med drift og nybygging av seismikk skip.
-Det er spanande for H2 Hardanger å få inn ein slik ressurs, med svært ulik bakgrunn enn oss andre, seier Thomas Mælen. Me er overbevist om at Øystein sin marine kompetanse vil passe som hand i hanske til Stadionbassenget.

Sommaren er på hell og H2 Hardanger er godt i gang med nye og gamle prosjekt etter ferien. 
Ekstra kjekt er det at Erlend Ukvitne er på plass på kontoret! Han kjem direkte frå masterstudium innan bygg- og miljøteknikk ved NTNU Trondheim, og vil styrka H2 Hardanger både fagleg og sosialt.  

Det er for tida svært stor aktivitet på Ænes i Kvinnherad, kor det vert bygd eit av regionens største resirkuleringsanlegg for produksjon av smolt. I skrivande stund er det rundt 70 arbeidarar involvert i utbygginga. Veidekke AS (bygg/anlegg) og Akva Group Land Based (prosess) kan melde om at framdrifta går som planlagt. Røyrarbeidet i grunnen nærmar seg ferdigstilt og råbygget til 2 av totalt 5 produksjonshallar er snart oppe.

H2 Hardanger AS bistår byggherre med heile prosjektadministrasjonen av utbyggingsprosjektet. Etter planen skal prosjektet overleverast i årsskiftet 2022/2023.

H2 Hardanger AS søkjer etter ungdom som kan utføre førefallande vedlikehaldsarbeid.
Du må vera sjølvstendig og nøyaktig.
Det gjeld veke 26 og 27, og ved behov kan det vera aktuelt i veke 32.

Ein enkel søknad med nokre ord om deg sjølv og kva erfaring du har med praktisk arbeid, kan sendast til [email protected]. 
Søknadsfrist: 22.06.21 

For tida er det stor anleggsvirksomhet hjå Hardingsmolt. Eit område på omlag 8200 m2 vert planert og gjort klart for vidare utbygging.

H2 Hardanger AS står for prosjektleiing i grunnarbeidsfasen, og har bistått med utarbeiding av VA-rammeplan for reguleringsplanen i området.