Sævareid Fiskeanlegg

AS Sævareid Fiskeanlegg, ein del av Bolaks-konsernet, investerer i ei omfattande utbygging for å styrke produksjonskapasiteten og møte framtida sine krav til smoltproduksjon.

H2 Hardanger er innleigd som byggherrerepresentant og prosjektleiar, samt for å ivareta koordinering i prosjekterings- og utføringsfasen i samsvar med byggherreforskrifta.

Artec Aqua er totalentreprenør for prosjektet, som har ein kontraktsverdi på over 600 millionar kroner.

Utbygginga vert dimensjonert for ein årsproduksjon på 29 millionar smolt og baserer seg på hybrid- og gjennomstrøymingsløysingar. Riving av eksisterande bygningsmasse startar i mai 2025, og utbygging vil halde fram til hausten 2027.