Postsmolt Produksjonshall for Hardingsmolt i Tørvikbygd 

Hardingsmolt AS er i gang med utbygging og utviding av anlegget i Tørvikbygd. Norwegian Fishfarming Technologies AS (Nofitech) er engasjert som totalentreprenør for å byggja ny produksjonshall for smoltproduksjon. Dette er det tredje byggetrinnet og produksjonshallen Nofitech byggjer for Hardingsmolt. 

Den nye produksjonshallen omfattar 6 stk fiskekar med 20 m diameter og 6,6 m høgde, med tilhøyrande RAS-anlegg (RAS= Resirkulerende Akvakultursystem). Anlegget er i utgangspunktet basert på ein Nofitech standardmodul, men er samtidig skreddarsydd i samarbeid med Hardingsmolt. Prosjektet omfattar alt i frå røyr i grunn, betong, stålbygg til teknisk utstyr i RAS-systemet. Bygget omfattar òg mellom anna trafo, energianlegg, membrananlegg, fisketransport, fôringsanlegg og administrasjonsdel. 

H2 Hardanger AS er engasjert av Nofitech som ein lokal forankring og eit supplement til Nofitech si byggjeleiinga på plassen. Byggjeleiinga består pr no av eit lag på tre personar der 2 er tilsett i Nofitech som går i rotasjon og 1 er innleigd i frå H2 Hardanger. Oppgåvene består av oppfylging av underentreprenørar, planlegging, tekniske avklaringar, logistikk, samt dagleg HMS- og KS-arbeid.